Tatag ng Wikang Filipino, Lakas ng pagka-Pilipino


Image

Noong nakaraang taon, ang ating Wikang Filipino ay nagsilbing ilaw at lakas sa pagbagtas sa tuwid na landas. Ngayon, ang katatagan ng Wikang Filipino ay ang ating lakas sa pagiging Pilipino. 

Agosto na naman, at muli nating sinasariwa at binibigyang-halaga ang ating wikang pambansa, na importante para sa nagkakaisang bansa. 

Sa panahon ng makabagong teknolohiya at globalisasyon, ang ating wikang Filipino ay napapagitnaan ng napakaraming wika mula sa ibang bansa, at minsa’y ang ibang wika ang pinapahalagahan kesa sa ating sariling wika. 

Ang pagkakaroon ng sariling wika ng isang bansa ay taas-noo para sa mamamayan nito, dahil tayo’y nagkaisa noon na magkaroon ng wikang pambansa upang makisabay sa gulong ng buhay at ipagmalaki ang ating lahi. Ang wikang pambansa ay kayamanan ng isang bansa, hindi ito matutumbasan ng ginto o salapi, hindi rin mananakaw dahil kakalat lang ito at lalago pa ang magbibigkas nito. Ngunit, nagbabadya ang ating pambansang wika – ang Filipino na maalis sa trono ng wikang pambansa, dahil sa mga wikang banyagang unti-unting ginagapang ang ating bayan at iniimpluwensyahan ang sambayanan. 

Kahit nahaharap sa krisis ang katatagan ng ating wika, ang ating pagka-Pilipino ay patuloy na nananaig dito man sa Pilipinas o kaya sa iba’t-ibang ibayo ng mundo. Nandyan ang ating mga OFWs, maliban sa pagtatrabaho para sa kanilang pamilya, kanila ring ipinagmamalaki ang kanyang bansa – at pati na rin ang sariling wika. Sa mundo ng internet, ang mga websites tulad ng Facebook, Twitter, at Google ay maaari mo nang magamit sa wikang Filipino, kaya huwag nang mag-alala dahil hindi ka makaintindi ng mga banyagang salita, gamitin na ang sariling wika! At sa paglalahad ng mga opinyon, balita, at mga nangyari sa iyong buhay, pwedeng-pwede mong gamitin ang Filipino, dahil alam mo bang mahigit 30 milyong Pilipino na ang gumagamit ng internet

Sa panahon ng makabagong teknolohiya kung saan mga iba’t-ibang lengwahe ang nangingibabaw, huwag mag-alinlangan, at ipaglaban ang nakasanayang wika – ang Filipino. Kaya nating maipagmalaki ang ating sariling wika  – saan man, kailan man, at sa napakaraming paraan. Gamitin natin ang wikang pambansa, maging ilaw man at lakas sa tuwid na landas, o susi sa pagka-Pilipino. 

 

About The Filipino Servant

Kent Ryan Masing, Author of The Filipino Servant

Posted on August 27, 2012, in Buhay Pilipino. Bookmark the permalink. Leave a comment.

Your comment here

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: