Tara na sa ‘Filipinos for Change’!


Mag-iisang taon na ang nakalilipas nang aming ilunsad ang The Filipino Servant. Mula January hanggang October ng 2011 ay nakagawa ang TFS ng mahigit 100 kwento ng pag-asa, pakikibaka at pagbabago. Pinagserbisyuhan ang mahigit 10,000 katao at dumarami pa hanggang ngayon at nagbigay inspirasyon sa sambayanang Pilipinong uhaw sa pagbabago.

Nakagawa ang The Filipino Servant ng mga artikulo na pumukaw sa mga Pilipino, katulad ng aming istorya tungkol sa pagpapahalaga sa ating Wika, ang Filipino na ginawa sa panahon ng ating pagdiriwang ng buwan ng wika. Amin ring ipinagmalaki at pinarangalan si Rizal, ang ating pambansang bayani sa kanyang ika-150 taong kaarawan nito. Sa kainitan ng debate tungkol sa kontrobersyal na RH bill, naging kakampi ng mga pro-RH ang TFS. Pinaiyak kayo at naantig sa istorya ng mga matatandang inabandona na ng kanilang mga kaanak at lumaki mula sa kahirapan, ngunit patuloy pa ring naghihirap. At sinong makakalimot nang inihatid namin sa inyo ang balita tungkol sa magnitude 9 na lindol at tsunami na tumama sa Japan? Marahil maliban sa mga artikulong ito ay may nagustuhan pa kayo. 

Ang TFS ay naging matagumpay sa pagtakbo nito, ngunit gusto pa nitong lumawak para pagserbisyuhan ang mas nakararaming Pilipino at hikayatin silang makilahok sa pagbabago.

Kaya noong October 2011 ay inilunsad namin ang Filipinos for Change. Hindi ‘to nalalayo sa TFS dahil ang pakay nito ay ipagpatuloy ang nasimulang pagbabago at bigyang pag-asa ang mga kababayang lugmok pa rin sa kahirapan at bayan patuloy na dumadanas ng epekto ng katiwalian. Masasabi naming TFS 2.0 ang Filipinos for Change dahil maliban sa mga kwento ng pag-asa na nalimbag nito, ay hatid pa nito ang mga pinakasariwang balita sa loob at labas ng bansa sa pamamagitan ng news arm nitong Philippine News Online. Layon ng Philippine News Online pagsama-samahin ang mga nakalap na balita ng mga bigating news organization ng bansa at ihatid ito sa mga Pilipino sa internet. 

Sa aming mas pinalawak na pagseserbisyo sa inyo, hatid namin ang pagbabagong malapit niyo nang makamtan at pagbangon mula sa kahirapan. Sa tulong ng makabagong teknolohiya ay mabilis naming naihahatid ang mga kwento ng pag-asa. Ngunit sa pamamagitan ng pagtulong sa kapwa, pagsisikap na magtrabaho, at pakikilahok sa pagbabago ay mabilis makakamtan ng Pilipinas ang kaunlarang ating hinahangad. Kaya tara na sa Filipinos for Change! Kung saan tayo ang magsisimula ng pagbabago! 

Maraming salamat po sa patuloy na tumatangkilik sa The Filipino Servant, amin pa rin pong pananatilihing bukas ang blog na ‘to. 

About The Filipino Servant

Kent Ryan Masing, Author of The Filipino Servant

Posted on March 3, 2012, in Buhay Pilipino. Bookmark the permalink. Leave a comment.

Your comment here

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: